Accueil
Aimé CESAIRE
Frantz FANON
Paulette NARDAL
René MENIL
Edouard GLISSANT
Suzanne CESAIRE
Jean BERNABE
Guy CABORT MASSON
Vincent PLACOLY
Derek WALCOTT
Price MARS
Jacques ROUMAIN
Guy TIROLIEN
Jacques-Stephen ALEXIS
Sonny RUPAIRE
Georges GRATIANT
Marie VIEUX-CHAUVET
Léon-Gontran DAMAS
Firmin ANTENOR
Edouard Jacques MAUNICK
Saint-John PERSE
Maximilien LAROCHE
Aude-Emmanuelle HOAREAU
Georges MAUVOIS
Marcel MANVILLE
Daniel HONORE
Alain ANSELIN
Jacques COURSIL

Ben démaré (Au verso du silence)

Par Ernest Pépin
Ben démaré  (Au verso du silence)

_ Annou pa bat déyè douvan lavi
_ konsidéré nonm é fanm té kribich
_ ka chaché on tou wòch pou yo téré
_ zékal lapenn é soufwans
_ annou pa lésé siklòn fè nou volé
_ kon fèy tòl ozabwa adan on gran goumé
_ van é dlo ka menné
_ tini lannuit
_ tini douvanjou
_ é tini gran solèy ka fann an lèstonmak mòn
_ pou mòn pé kléré épi limyè kè an nou
_ annou séché dé kwi a zyé an nou
_ pou nou pé sa séché kon dé bèl lenj asi galèt lavi
_ pou nou pé bwè solèy
_ adan dé kwi a zyé an nou
_ sèl nwésè sé lanmò
_ nou ja raché vyé zèb adan jaden a chivé an nou
_ nou ja sèklé vyé zèb adan vi an nou
_ aprézan annou ouvè kabann anlè do a lavi
_ pou nou pé sa dòmi adan on bèl féyaj tandrès
_ mè fò nou sonjé doubout dwèt kon pikèt
_ fò nou sonjé doubout
_ pas si sé mwen ki souch
_ sé vou ka simé lonbraj
_ pou sé timoun-la pé sanblé anba pyé mango an nou la

_ a fanm an mwen kouté mwen
_ on gwo donbré lahont ka pri an gòj an mwen
_ an ka mandé wozé on ti lapli padon asi kè an mwen
_ kè an mwen sé on savann ka fann anba pikwa soufwans
_ ké an mwen anlè graj a mannyòk
_ kè an mwen adan pilon a tousa ou ka sonjé
_ kon onsèl poud piman ka mété difé
_ adan gyèl a dèmen
_ a fanm an mwen fanm an mwen
_ lavi vin san tèt kon on kabrit a mayémen
_ lavi la ka krévé kon on syèl a livènaj
_ annou sanblé sa tan jété apré nou tribiché
_ volonté sé potomitan
_ lanmou sé fèy tòl kolé anlè tèt a timoun an nou
_ épi pay a lèspérans
_ nou ké kaché loraj é zéklè
_ jalouzi é malpalé
_ a fanm an mwen
_ sé mwen menm ka palé on pawòl nèf kon lalin plenn
_ annou pwan on ben démaré
_ adan dlo koko a kè an nou
_ an nou lésé zétwal kléré zyé an nou
_ tout sous ka sali
_ mé lè i pozé dlo a’y sé on kristal pléré
_ ka lavé chimen pou lajwa désann pwòp
_ adan on bèl lenj a dimanch

Connexion utilisateur

CAPTCHA
Cette question sert à vérifier si vous êtes un visiteur humain afin d'éviter les soumissions automatisées spam.

Pages