Lè yo gadé sé afich-la, asou tet sé kandida, ou sé di yonn pa té vo lot. Ni an élektè ki chaché sé afich la pou wè si asou tet sé kandida-a i té fé yonn konfians. Mé yo tout té menmbrisi.

Toupandan i té ka manjé an makawon douvan Lasal Cheminad, i éséyé trapé an filon pou té antré avan i té alé bò kay Man Arto. Mé yo di’y vitman, «ne mélanchon» pa tòchon épi sèviet.

Elektè-a té oblijé viré kay misié Dipon Enian, mé ipa jwenn ayen pou bay an ti endik. Tousa fèy bien lapenn.

Magré sa i alé voté kanmenm pas i pa lé yo di dèmen si entel pa pasé sé palakoz i pa voté.

Pétet sé gras a nou si an kandida pé ké pasé. Poutout an fini ni an boug ki fè mwen chonjé défen Pè Lamon, mé pétet i ké voté bay, pétet. Akondi pawol la sé bilten an bwet-lin ka konté, kidonk alé voté.

Avan zot alé, mandé kanmenm ki sa sé kandida-a ja fè pou kréyol kantékant épi fransé pou i sa an lang kon tout lang.

Man ka bout kréyolad-la pou zot pa di Asé lino!

Alé voté douvan, douvan pas sé zot ké éli prézidan-an!

Jid

* * *