Accueil

ES DONALD TRUMP PI VAKABON KI NOU ?

ES DONALD TRUMP PI VAKABON KI NOU ?

   Dépi yonn-dé jou, lé média ka dépotjolé Donald TRUMP, kandida répibliken an adan pwochen éleksion met-a-manyokpéyi lé Zéta-Zini davwè misié ka di anlo salopté anlè fanm. Pi mové ankò : dé sèten fanm ka akizé'y konmkwa i séyé bo yo oben fouré lanmen'y nan koukoun-yo. Sa vré ki TRUMP pa manchot ek ki misié ka aji kon an soubawou-bwa-mitan ki épi fanm ki épi nenpot moun dayè. Davwè misié milonnè, i konpwann i pé fè tout bagay ek di sa i lé san ki pèsonn kontridi'y.

   Men nou blijé mandé nou an ti keksion : es Donald TRUMP, pou zafè madanm, pli mové ki Bill CLINTON ? Es i pli mové ki anlo nonm asou latè ?

   Annou pa fè ipokrizi ! Si zot wè sa nowmal ki fanm ka lévé labou kont TRUMP, si yo ni rézon pété tjou'y, nou, nonm, fok nou té ké titak pli pridan. Poutji ? Davwè pétet anlo adan nou pa pli bon ki'y, akoumansé pa Bill CLINTON. Tout moun ka chonjé lanmanniè i té ka mandé an ti estajiè Lanmézon Blan fè sous ba'y andidan Biwo oval la kivédi andidan tjè pouvwè méritjen-an. Ti manzel-tala sé Monica LEWINSKI ki non'y ek CLINTON dérayé lavi'y pis jis jòdi-jou, i ka chayé anlè do'y kilpabilité-tala. Toupaté i pasé, moun ka wè'y kon ti fanm-lan ki té ka koké épi met-a-manyok méritjen an.  

   Kantapou zafè TRUMP ka noté fanm di 1 a 10 pa rapot a tol-yo, kiles adan nou ki pa janmen fè sa lè nou té jenn tibray ? Sa vré ki an gran mal-chien kon TRUMP pa té ké dwet kontinié fè jé-tala, men lè ou gadé, sé an jé ki titak natirel lakay pres tout nonm ki pa adan lamakoumétri. Nou pa ka fè sé dékatiyaj-tala tou sa pou sa di ki TRUMP sé an bon boug. Awa ! A pa sa pies toubannman. Misié sé an chien-fè, an isalop, an rasis ek nou ka espéré__abo nou pa ni pies konfians adan Hilary CLINTON__ki sé pa TRUMP ké genyen éleksion prézidansiel la. Sa nou lé di sé ki asou zafè liennay épi fanm, anlo adan nou pa pli méyè ki misié.

   I ka di ek ka fè sa anlo adan nou ka di ek ka fè ANDIDAN TET-NOU...

  

 

Bwet-a-mo

 

Abo : malgré.

Davwè : parce que.

Dékatiyaj : analyse.

Dépotjolé : démolir.

Dérayé : détruire.

Lamakoumétri : homosexualité.

Liennay : relation.

Méritjen : américain.

Met-a-manyok : président.

Soubawou-bwa-mitan : sagouin.

Sous : fellation.

Pages