Vié misié-a réponn li : "Izidò, man bien tann sa ou fini di mwen an. Men, es ou tann di disparet pran estati-a ki toujou té pa lot koté-a ? "
Izidò rakonté'y zafè pou-tout-bon i wè i pa té adan plas-li kon dabitid.
Vié misié-a di'y : "Man key di'w an bagay, men pa répeté sa ba pèsonn. Kidonk estati-a ki disparet-la viré réaparet talè-a épi i di mwen kon sa :
"Sé pa woch ki mantjé pou yo viré-konstwi mwen, men zot, konmen rwch zot ka chayé dèyè kò-zot kon sa-a? Menm Bob Marley té di zot pawol-la, men zot ka kontinié toujou"
Vié Misié-a wè Izidò rété estébékwé, men i kontinié palé : "Izidò, es ou sav sa ki Bob Marley pas man pa bien konpran sa estati-a di mwen-an"
Izidò réponn li: "Misié, man key chèché pou sav pas abo estati-a disparet, i ka sanm mwen man ka wè'y toupatou atjelman. Kifè, i dot koré kò'y adan lespri-mwen dépi man té an timanmay. "