Accueil

Fok blijé moun alé voté

Hughes BARTELERY
Fok blijé moun alé voté

            Éleksion tala montré manniè moun sanfouté di votman.  Poutan sé lanné man tann plis moun voyé pié kont politisien. Yo té ni an lokazion pou chanjé sa, men yo té simié rété bò kay. Trant pou san moun selman alé voté. Éleksion apré éleksion nonb votan ka désann, é si sa kontinié konsa, nan lé pwochen éleksion sé sé kandida-a selman ké rété pou alé voté. La nou ka alé épi sa? Fok touvé an solision.

 

            Tout moun za pres tonbé dakò pou di fok chèché an manniè pou blijé sé élektè-a alé voté. Men ki manniè? I ni ka di fok fè moun voté pa entènet, dot ka di vréyé an ti bis elektoral an tout kanpann, an tout kwen lanvil, toupatou pou chèché sé élektè-a, anlot konpanni ka di anni ba sé moun-lan an bon lanmann si yo pa ka alé voté.

           

            - Voté épi entènet, sé pa tout moun ki ni entènet, é menm si yo ni'y sé pa tout ki sa sèvi nouvo zouti tala, é anplis di sa si sé moun-lan pa lé voté sa pé ké blijé yo voté.

           

            - Mennen an biwo élektoral an tout kwen lanvil oben lankanpann sa pa posib é ayen pa ka di nonpli sé moun-lan ké lé voté, ni nonpli ki moun pa té kay fè kotjen adan dépouyman ( dépouillement ) tout lakantité biwo tala.

           

            - Sèten moun ka mandé pou yo ba tousa ki pa vini voté an lanmann (amende ), men sa ké an gwo lenjistis ba lé ti maléré ki za pa ka menm rivé péyé bis-la ké mennen yo a, otan ki ba lé ti jenn-jan ki fini enskri kòyo anlè lis, tousa pé dégouté yo lapolitik.

 

            Pou mwen, fok fè sé moun-lan wouvè zié yo pou pran konsians tout potalans ( importance ) an votman. Ni moun ki mò pou yo trapé dwa voté, titak respé pou sé moun taa. Dapré sa man wè, sa ki pa alé voté sé pa moun ki pa pé voté, sé moun ki pa lé voté, moun sa pa ka entérésé, moun ki ni kòlè kont tout nonm politik, moun ki pa lé ped tan-yo alé voté, moun ki simié alé lanmè, alé wè kanmarad, alé ponmlen é kisasayésa ankò. Alò anni ba yo sa yo lé a : sispann dwa vot-yo. Sé selman lè yo ké ped dwa voté, yo ké pitet pran wotè litilité voté.

 

            Pou lè, primié bagay pou fè, é sé dépité nou an pé fè sa, rimété   votman-an lè dimanch, sof pou Prézidan, mété tout transpò piblik épi parking pou ayen, ek mandé sé Asosiasion komin-lan, ka risivrè lajan léta,  endé tout vié moun. Apré sa, é si magré tousa konpowtasion sé moun-lan pa  chanjé prévwè an lanmann pou yo an final di kont. An élektè ki pa vini voté ka trapé an kawton wouj ( carton rouge), pwochen éleksion i pa adan'y, é si i lé viré touvé dwa'y, a moman taa yo ka fè'y péyé an lanmann.

           

            Natirelman, pou sa ki pa lé alé voté pou pwotesté kont gouvelman, fok ké prévwè an bilten blan ki ké konté adan votman-an, sa pé pèmet yo anilé éleksion-an si pies kandida pa an gou yo.

 

            Voté sé an dwa, men sé osi an divwa ba tout sitwayen . Si plis moun té alé voté li 10 ek 17 jwen pasé, asiré sé rézilta-a té ké diféran.     

Pages