Dépi sanmdi pasé tout moun douvan télé yo, sirtou sé gran télé plat tout nef-la, pou gadé match foutbol lakoup dimond.
Sa ka mété bon dézod adan yonndé fanmiy pas:
Anfen zafè foutbol-tala pa djè ka mété lapé dan ménaj atè Matinik sé jou-tala.
Sa ki pa ka rété pa asou lakot atlantik, pa pou konnet si Wobè, Ofanswa ek Diaman ni sargas. Menmsi minis-la vini, sa pa zafè yo, yo pa ni vié lodè an nen-yo. An tout fason lajan minis la ponmet, pé ké opozé wawet-la antré. Pas i di fok tiré’y an karantuitè. Epi ki lajan?
Sé mè-a pa rété lajan, déja pa té djè ni, lè ou tiré sargas-la jòdi, dèmen ka ni otan. Ou sé di yo pa espré.
Mé sa ka rété lakot atlantik sirtou Marigo anrajé kon dé kong. Péchè pé pa sòti dépi pres an mwa. Moun malad épi tout kalté malkadi. Plafon pvc blan ka vini wouj oben nwè.
Asiparé komkidiré, pa koté Wobè yo tjwé an kochon bò lanmè-a. Lè yo débité’y tout viann lan té nwè andidan. Menmsi prel kochon nwè, viann-lan pa pou ni koulè-tala pies toubannman. Si sargas-la ka rann viann lan nwè, ki manniè andidan nou dwé yé?
Ni an boug ki pa djè enmen fè lafet, mi sa man tann li di:
Mé man ka di, érezdibonnè péyi-a bel. Si lakot atlantik ni sargas ou pé monté Kabé, lanmè bel ek odbijoul pou sa ki pa enmen foutbol!
* * *
Vignette: François Gabourg