Fout sa led ba an gran péyi kon la Fwans, an bidim-pouvwè ki ni dézienm pli gran sirfas lanmè asou latè gras a sé dènié koloni'y la, an bidim-pouvwè ka vréyé larmé'y toupatou pou viré-mété lod, fout sa led wè i ni dé sèten nonm politik kon François FILLON ! Kon kréyol-la ka di misié pa ni kaka bò zié kivédi i pa wont sa i fè ek an plis, i ni toupé vini douvan pep-la pou di i ka kontinié kanpay élektoral li kou-koupé menmsi lasimenn pwochenn lajistis za vèti'y konmkwa yo ké mété an lekzanmen kivédi enkilpé'y. Madanm-li tou, Pénélop, ké adan léto lajistis tou.
François FILLON sé an boug ki toujou prézanté kò'y kon nonm politik ki pli sérié, pli dwet, pli onnet ki tout sé lézot-la. Pannan lanné ek lanné, i pasé tan'y ka ba moun lison, jik ka dékrinen moun ki ka viv anlè do lézot kivédi moun ka touché RSA. Men lè ou gadé, misié sé an chef mantè ek an chef kouyonnè ! Erez-di-bonnè ni an jounal kon "LE CANARD ENCHAINE" ki mété vakabonnajri FILLON ek fanmiy-li déwò. Erez-di-bonnè apré sa dot média kontel MEDIAPART pwan larilev. Dépi twa simennn, jou aprré jou, sé diféran média-tala ka mété déwò tjek vakabonnajri FILLON konmet ek li-menm lè i ka chaché défann kò'y ek ba lesplik asou sa yo ka ripwoché'y la, i ka mété bwa adan pwop woul-li. I ka maré adan pwop fil zagriyen'y ! Sé kon sa i vini latélé pou di i té anboché dé adan sé yich-li ki avoka pou ba'y an pal adan travay politik li, mé lè jounalis vérifié si sa té vré, ki sa yo touvé ? Yo dékouvè ki misié té an manti-mantè pis nan lépok-la FILLON té ka palé a, sé dé yich-li a poko té majè ek yo poko té avoka !!!
Abo pliziè nonm politik ki té ka soutienn li za ralé kannot-yo, FILLON pa ka tann mach : i ké prézanté kò'y adan éleksion prézidansiel la ka vini a. Poutji ? Sé davwè misié sav ki la Fwans tounen adwet dépi tibwen tan ek ni ni etsetéra élektè ki ké mété an bilten ba'y kanmenm. Sé élektè-tala sanfoutépamal ki FILLON sé an madragè, sa yo lé sé pèmet Ladwet viré-pwan pouvwè-a kisiswa moun-la ki vini met-a-manyok péyi-a. Sa tris, sa led, mé sé kon sa bagay-la yé. Adan laplipa sé lézot péyi-a, si zot wè an politisien té konmet lanmwatié sa FILLON konmet la, lontan i té ké za démisionnen oben parti'y té ké za ba'y biyé-pa-lapennn li, mé nou an Fwans.
Gadé-wè ! Misié pé genyen éleksion-an kon an med...
Bwet-a-mo :
Abo : bien que.
Bidim-pouvwè : grande puissance.
Biyé-pa-lapenn : lettre de licenciement.
Dékrinen : critiquer.
Kivédi : c'est-à-dire.
Kou-koupé : sans démordre.
Lesplik : explication.
Madragè : mafieux.
Manti-mantè : menteur comme un arracheur de dents.
Met-a-manyok : président.
Pal : aide.
Tou : aussi.