Ni an prim 300 éro ka roulé pou moun lapolis, sé sa gouvelman di.
Sa ki rivé trapé dézagréman pandan lagrev-la, (kontel an djol pété, an janm kasé, an tet kalbosé, an zépol démi épi kisasayésa) tout sé boug-tala ké ni an prim an plis.
Prim pou lé achté pwason Fodfrans ki ni anlot manniè risouvrè konsomatè. Pwason pa atè ankò adan lapousiè ek lafimen loto. Ni maren-péchè ka wouspété pas, fok péyé 10 éro pou dézè. Menmsi Brakochi di :
- Serjo ni rézon ranm marché a pli bel. Konsa plis moun ké vini é lavant la ké pli obidjoul !
Pou lé konsomatè ka alé libsèvis yo trapé an prim an ti-wosman pri menm sa ki ni afich Béséba.
Ti-Jo sé jou-tala chimérik toubannman pas i ni an élivaj kochon. Epi zafè lagrip porsin-la misié di :
- Kochon mwen pa ni lagrip pas yo tout vaksiné !
Misié jik di zafè lagrip porsin-tala sé an malédision yo vréyé anlè moun Meksik. Pas sé moun-tala té ka fè trop sik épi kochon.
Mé Adjilbè an boug kip a ka manjé lanti’y li san tet-kochon di :
- Zafè lagrip pa asou kont-li. Sa poko lapli pou mouyé-mwen. E sé poko épidémi pou fè-mwen mété mas.
Antouléka, misié di an sel bagay ki pé fè’y mété mas adan mwa ki pa kannaval, sé an bel prim 300 éro.
Jid