Sa ka fè pasé trant lanné Linivèsité lé Zantiy épi la Giyàn ka pèmet étidian’y fòwmé kò-yo adan seksion lang épi kilti kréyol dépi prèmié lanné létid-yo, ek, dépi pasé dis lanné, jik an lisans, master épi doktora. Si anpil adan sé manmay-tala ka atann rivé linivèsité pou étidié kréyol, ni dot ki trapé chans koumansé dépi an lékol sègondè : lisé, délè kolej.
An 1951 atè la Frans, yo voté an lwa ki té ka ba moun lotorizasion étidié lang épi kilti réjional adan réjion-an éti yo té ka palé’y la. Mé lé Zantiy, yo mété tjek trant lanné avan yo té pé aplitjé lwa-tala. Yo koumansé épi sé kolej-la, ek adan sé lanné 90 lan, lisé kontel Akajou 2 atè Matnik wouvè seksion kréyol li épi on opsion ki pa obligatwè. Mé, chak lanné, yo té blijé mandé rektè-a an otorizasion espésial pou sé zélev-la té pasé legzamen kréyol yo pou bakaloréa-a, davwè lalwa pò té kò ka pèmet legzamen-tala pou tout bon.
An lanné 2005 épi 2006, anpil chanboulaj fet adan lwa-tala :
- An 2005, Ministè Lédikasion Nasional pran an dékré pou té mété an opsion kréyol bakaloréa an manniè ofisiel. Kifè dépi lanné pasé, legzamen-an ka fet adan larel lalwa san pies dérogasion.
- 15 févriyé 2006, legzamen kréyol pou sé lisé-a pran an lot dimansion : Ministè-a désidé sé zélev-la pé chwézi kréyol kon an lang obligatwè : LV3 oben LV2 silon seksion-yo.
- Avril 2006, zélev tout seksion bakaloréa pwofésionnel pé pasé opsion kréyol la.
Kidonk, nou ké pé konstaté anmizi sé lanné-a, key ni plis étidian ki ké antré adan linivèsité-nou épi an fòwmasion adan lang épi kilti kréyol, sa ki ké an bon bagay ba yo ek ba Linivèsité lé Zantiy ek la Giyàn.
{{Carine GENDREY,
Certifiée Créole/anglais
Enseignante chargée de cours, UAG}}.