Accueil
Aimé CESAIRE
Frantz FANON
Paulette NARDAL
René MENIL
Edouard GLISSANT
Suzanne CESAIRE
Jean BERNABE
Guy CABORT MASSON
Vincent PLACOLY
Derek WALCOTT
Price MARS
Jacques ROUMAIN
Guy TIROLIEN
Jacques-Stephen ALEXIS
Sonny RUPAIRE
Georges GRATIANT
Marie VIEUX-CHAUVET
Léon-Gontran DAMAS
Firmin ANTENOR
Edouard Jacques MAUNICK
Saint-John PERSE
Maximilien LAROCHE
Aude-Emmanuelle HOAREAU
Georges MAUVOIS
Marcel MANVILLE
Daniel HONORE
Alain ANSELIN
Jacques COURSIL

Léta fwansé ek politisien Matinik ka foutépamal di djol-nou !

Léta fwansé ek politisien Matinik ka foutépamal di djol-nou !

 Adan an gran réinion ki fet lot jou-a la-Préfekti Matinik, Préfé-a anonsé konmkwa Léta ké mété déwò sa i ka kriyé "4è PLAN CHLORDECONE" li a.

 Kivédi sa za ka fè 3 plan i mété déwò ek magré sa, pies poblenm poko rézoud. Pies sé poblenm-lan éti L. BOUTRIN et R. CONFIANT té ka pozé adan sé dé liv-yo a (Chronique d'un empoisonnement annoncé ki paret en févriyé 2007 ; Chlordécone : 12 mesures pour sortir de la crise ki paret an septanm menm lanné-a).
 Kidonk sa ka pres fè...14 lanné !
 Léta pa janmen fè risansman travayè agrikol ki touvé yo kontaminé davwè Bétjé té ka fè yo sèvi klowdékòn alé-pou-viré adan sé plantasion bannann lan. Lè nou sav ni apipré 8.000 moun ki konsèné, nou ka miziré ki manniè Léta ka méprizé yo. Dayè, dépi jou-a, an bon patjé adan yo za monté nan Galilé, za mò : kansè lapostat ek tout kalté mové maladi fini épi ras-yo.
 Dézienm salopté : dépi jou-a, Léta ek servis-li poko fini établi kiles tè ki kontaminé ek kiles tè ki pwop. Kifè jik atjèman, lè nou ka achté an lédjim, nou pa fouti sav es i sen oben es i ké dérayé lasanté nou. Lè i té metamanyok Pak Natirel Matinik, L. BOUTRIN té mété déwò an Label "Zéro Chlordécone" ki ka sanblé oliwon 70 agrikiltè ek élivè ek, adan mem balan-an, an Aplikasion "Zéro Chlordécone" ki ka pèmet konsomatè sav es sa yo ka achté ni klowdékòn andidan'y. Sé an aplikasion ou pé chajé asou nenpot ki téléfòn powtab.
 Men, fok sav ki laplipa politisien Matinik té sanfouté zafè klowdékòn pannan tout sé lanné ki pasé a akoumansé pa S. LETCHIMY. Jòdi-jou, i ka vini épi an Komision Antjet Parlèmantè ki pa ni pies kalté pouvwè !!! Sa sé bagay pou vèglé nou, sé ba nou dlo mouchach pou let toubannman. Davwè lot gwo poblenm-lan, sé zafè reskonsabilité-a : tout moun sav sé Bétjé ek adan primié liv-yo a BOUTRIN ek CONFIANT té matjé non pli gwo enpowtatè-a : DE LAGUARRIGE. Ki Léta ki sé politisien-nou an, yo pies-la pa paré mandé sé Bétjé-a kont. Yo pa paré pòté plent an jistis kont-yo pou an jou, yo paret douvan tribinal.
 Si zot wè té ni tou sa politisien lot jou-a, adan la-Préfekti, pou sa kouté Préfé-a anonsé "4è Plan Chlordécone" li a, sé anni davwè ké ni éleksion téritorial nan mwa mars ka vini. Politisien kouri-vini pou sa montré popilasion-an ki yo ka goumen ba'y, men sa yo ka bliyé sé, kon tipawal-la ka di "Tout kouyon mò Senpiè !".

Connexion utilisateur

CAPTCHA
Cette question sert à vérifier si vous êtes un visiteur humain afin d'éviter les soumissions automatisées spam.