Accueil
Aimé CESAIRE
Frantz FANON
Paulette NARDAL
René MENIL
Edouard GLISSANT
Suzanne CESAIRE
Jean BERNABE
Guy CABORT MASSON
Vincent PLACOLY
Derek WALCOTT
Price MARS
Jacques ROUMAIN
Guy TIROLIEN
Jacques-Stephen ALEXIS
Sonny RUPAIRE
Georges GRATIANT
Marie VIEUX-CHAUVET
Léon-Gontran DAMAS
Firmin ANTENOR
Edouard Jacques MAUNICK
Saint-John PERSE
Maximilien LAROCHE
Aude-Emmanuelle HOAREAU
Georges MAUVOIS
Marcel MANVILLE
Daniel HONORE
Alain ANSELIN
Jacques COURSIL

Linivèsité akaz an nou : a pa kannaval nou ké fè !

Linivèsité akaz an nou : a pa kannaval nou ké fè !

   Tini sèten moun ki konpwann yo ké pé woukomansé fè madrag a yo, madrag a CEREGMIA andidan linivèsité an nou la davwa lè 25 janvié ka vin, on nouvo prézidan ké éli. Tout moun okouran dè konba on paket inivèsitè menné pou oblijé lajistis fwansé fè travay a'y adan dosié-lasa. A pa té on biten fasil menm ! Pouki ? Dabò, sé mafiatè a CEREGMIA la té ka bénéfisié (é ka kontinié bénéfisié) dè pwoteksion a sé Fran-mason la. Dayè, onlo adan yo sé moun a yo menm, moun ki ka kwè adan Gran Architek a Linivè.

   An plis, yo té tini pwoteksion a sé prézidan a Konsey réjional Matinik é Gwadloup, LETCHIMY é LUREL, ki fè tou sa yo té pé pou toufé afè-la. Sé mésié met baton adan wou a ansien prézidant a Linivèsité-la, yo fè entèvansion koté gouvelman sosialis la ki sé konpè a yo, pou vwè eskè yo té pé fou manzel an bwa. Malérezman pou yo, rézistans-la té two fò é yo pa jen érisi déchouké madanm-la. Kidonk yo pwopozé'y tout kalité a pos : rektè, responsab on gran administrasion, konsil, anbasadè etc...Madanm-lan rèfizé. I réponn yo : AWA !

   Sa pa té fasil, mé apré 4 lanné a lité, a goumé san rété, on sikti a Ministè fwansé a Lanseyman Sipériè, CNESER, jijé sé 3 met-a-manyok a CEREGMIA la é yo fou yo déhò : yo fou Fred CELIMENE déhò définitivman, yo sispann Kinvi LOGOSSAH pou 5 lanné san salè é Eric CARPIN pou 2 lanné san salè osi. Poblem-la sé kè si yo woté kansè-la (kivlédi sé twa boug-lasa), yo pa woté sé métastaz-la. Fo raplé kè adan rapò a l'IGAENER (Inspection Générale de l'Administration de l'Enseignement Supérieur) ni non a 43 moun a Linivèsité ki mouyé adan eskandal a CEREGMIA la. Ki trapé biyé avion, lotel, prim, sibvansion, biten kon sa. Sé moun-lasa, sé lajistis, ki ka kontinié fè anket a'y, ki ké okipé dè yo, mé kon nou sav, lajistis ka vansé kon mòlòkoy. Lajistis ké okipé dè CELIMENE, LOGOSSAH é CARPIN osi davwa sanksion-la yo trapé la, sé enki on sanksion administratif pou alè.

   Kidonk si nouvo prézidan a Linivèsité la ki ké éli lè 25 janvié ka vin la konpwann i ké pé woumet an wout menm sistem a CEREGMIA la, i ké fè on gwo érè. Sé moun-la ki té lité kont CEREGMIA la ja paré pou riposté, yo ja mobilizé asi kanpis a Chelchè an Matinik é yo véyatif pou vwè eskè sistem mafia la ké woudémaré. Si sa fet, difé ka limé ! Difé ka enki pri é pétet fwa-lasa, Linivèsité-la pé pété an dé mòso. Sa ké tris, mé pé ké ni dot mwayen pou oblijé sé mafiatè-la resté on koté...

 

Bwet-a-mo

 

Erisi : réussir.

Goumé : lutter.

Madrag : magouille.

Mafiatè : mafieux.

Met-a-manyok : chef.

Sikti : structure.

Véyatif : vigilant.

Connexion utilisateur

CAPTCHA
Cette question sert à vérifier si vous êtes un visiteur humain afin d'éviter les soumissions automatisées spam.