Accueil
Kréyolad 694

MANJÉ NOU

Jid
MANJÉ NOU

Tout sé jou-tala, ni chanté nowel toupatou. Sel bagay nou ka konsaté, non selman yo ka mandé moun péyé douvan-douvan, mé fok yo vini épi an manjé nwel.

Anlo moun pa konnet préparé chwob ek litjè-koko ek dot litjè ankò. Lè yo pa ka alé genyen sa an sipermarché, sé pak koka yo ka mennen. Nou ka bliyé mes nou, é nou pa menm sav ki sa moun ka manjé an périod nwel.

Sa vré pwadangol vini ra kon zé bourik. Kantapou yanm sasa, djanpal pa menm palé. Yonndé moun ka nouri kochon lakanpay, mé atjelman fok ou alé labatwa pouw sa an reg.

Sé bien pou tousa, pa koté Omaren té ni an jounen tradisionel alantou manjé nou. Erezdibonnè nou viré dékouvè sa ki an makadanm, an patanpo, épi kontel plen pla péyi-a éti nou té ja bliyé.

Adjilbè di mwen:

— Man wè té ni piré friyapen, graten yanm ek patat, donbré ek dolfin, kolbou sirik épi kisasayésa... La té ni anlo manjé man pa té menm konnet épi sirtou manniè préparé lédjim nou épi anlot kanman.

Tinen-lanmori a té prézanté anlot manniè. Friyapen-an té an tout sos ek asou pliziè model, kontel an graten, an chips, an farin jik an sorbé. Fout nou ni bon bagay an péyi nou an. Sé pa lapenn kouri an gran frijidè klimatizé-a.

Nou pa sav si tousa ki la-a pli prop ki manjé ka sòti atè péyi nou. Tout lo machandiz-tala, menmsi yo bien prézantab anlè tab kon anba tab, nou pa konnet manniè yo préparé’y, menmsi yo mwen chè. Sé pa tout gwo boutè losion ki oblijé ka santi bon.

Annou viré dékouvè sa ki nwel, pou nou sav ki sa pou nou mété adan zasiet nou.

Pages