Accueil

Maryse rivé an péyi-la !

Maryse rivé an péyi-la !

    Yè swa, on paket Gwadloupéyen té vin akéyi Maryse CONDE an aéwopò la apré i té rèsèvwa Pri Nobel altènatif litérati kè yo ba'y an Sied. Nou tout ka sonjé ki jan, ni pliziè lanné dè sa, makez-la té pati dè péyi a'y davwa i té di moun pa té ka konpwann li ni lévé'y di gad.

    Enben, kou-lasa, Maryse CONDE vwè ki jan moun Gwadloup enmé'y é fiè dè li, fiè dè tout liv i maké é fiè dè Pri Nobel la i érisi trapé la. Sé moun-la té fè on chanté ka imité kantitk Nwel é yo chanté'y aso menm ritm sé chanté Nwel la :

    "Maryse rivé an péyi-la !"

   Sé Ghislaine NANGA, on madanm ka woulé adan sektè kiltirel Gwadloup, ki té lansé lidé-la dè vin akéyi CONDE an awéopò-la é nou pé di ki pep-la réponn a appel a'y magré sitiasion ékonomik ek sosial péyi-a pa djè bon. Dayè, sé menm jou-lasa lajistis fwansé té ka jijé Elie DOMOTA, met-a-manyok  a CGTG é LKP.

   Antouka, WOULOOOOO ba Maryse !...

Pages