Ni omwens an espowtif asou latè ki pa ka fè pasé ti lentéré’y avan dé serten prensip ki fondal-natal kontel respé nou pou ni ba tout pep. Boug-tala sé kapitèn létjip foutbol l’End, misié {{Bhaichung Bhutia}}.
Kon nou sav, chaltouné olenpik la pati dépi péyi la Gres pou rivé jik an Chin oti sé Jé Olenpik la pou fet. Chaltouné-tala ka travèsé dives péyi é sé espowtif mapipi ki ka pòté’y (yo ka maché épi’y oben yo ka kouri épi’y). Tradision-tala fet pou montré ki espò sé an bagay ki ka lianné, ki ka bwaré, tout pep asou latè magré yo ni koulè ki diféran, lang ki diféran, rilijion ki diféran, kilti ki diféran kisasyésa…
Bhaichung Bhutia déklaré konmkwa i ka rifizé pòté chaltouné olenpik la pou matjé solidarité’y épi pep tibéten an ki la Chin ka dérayé dépi apochan 60 lanné. Nou tout tann palé ki manniè sé jou-tala, larmé Chinwa enki varé asou kapital Tibé, Lhassa, ek yo koumansé fouté kout fizi dèyè moun. Silon sa pliziè témwen rapòté, sé 140 moun ki mò adan sé fiziyad-tala.
Sé péyi oksidantal la ki, dapré yo, sé chanpion ladémokrasi, ki ni labitid risivwè épi anlo flafla met-a-manyok espiritiel sé Tibéten-an, Dalaï-Lama, pa djè voyé labou kont la Chin. Manzè Condoleeza Rive di kon sa ki lé Zéta-Zini « préokipé » !!! Kantapou Sarkozy, i mété pasé an simenn pou réyaji ek i di konmkwa fok la Chin respekté dwa moun nan péyi Tibé. Ki l’Anglitè ki l’Almay ki Kannada, sé menm bet menm pwel.
Lè ou gadé, sé péyi-tala pa lé mété rilasion konmes yo an danjé épi la Chin. Yo ka genyen an patjé lajan an Chin ek yo pè, si ou wè yo palé two fò, ki la Chin siprimen yonn-dé bel kontra yo trapé anba-a. Pou di lafwanch-vérité, pep tibéten an ka anmerdé yo, ka ba yo gaz. Yo sanfouté pep tibéten an, menm manniè yo sanfouté pep palestinien an. Dola ek éwo ka pasé avan dwa moun !
Nou sav ni anlo Neg adan létjip olenpik la Fwans. Nou tann man Laura Fessel, ki sé an chanpion lépé gwadloupéyèn, déklaré konmkwa « fo pa miganné espò é politik ». Sé lézot espowtif antiyé ek afritjen an poko jen ouvè bouch-yo. Atitid-tala tris kité tris ka alé ! I ka démontré ki laplipa sé espowtif antiyé ek afritjen an pa ni pies konsians moral, pies konsians politik. Sel bagay ka entérésé yo, sé genyen méday (ba la Fwans) ek genyen lajan !
{{ Woulo-bravo, misié Bhaichung Bhutia !}}
Commentaires