Moun Palestin ka ba tout lézot pep asou latè an bidim lison, an lison kouraj ek dignité. Abo larmé sé chien-fè sionis la ka fouté'y bon fè, abo yo ka tjwé timanmay, fanm, jenn nonm kisasayésa, pep palestinien an ka rifizé moli adan goumen-an i ka mennen an dépi pasé 60 lanné pou viré trapé latè natif-natal li.
Jou pep Palestin ké ajounou poko vwè jou !
Davwè si zot wè i fè tan ajounou, i bésé tet oben i kayé, enben disparet ké anni pwan'y toubannman. Ki manniè nou pé asepté ki i péyé pou vakabonnajri sé Ewopéyen-an konmet kont Juif antan Itlè ? Poutji nou ka koud bouch-nou douvan masak ki ka woulé alé-pou-viré adan Bantoustan Gaza a ?
Men sé pli isalop-la sé sé gouvelman oksidantal la, ta lé Zéta-Zini primié douvan épi bouwo-a ki ka dirijé'y la kivédi Donald TRUMP. Sé yo ka ba sé sionis-la pal, sé yo ka fourni yo zam ek lajan, pou yo kontinié dépotjolé sé Palestinien-an ek la Fwans adan'y tou. Misié MACRON abon kondannen sa ki fet yè atè Gaza a, sé pawol an bouch ki la ! Kondanasion-tala pa ka sèvi an tjou-patat ek sé sionis-la bien sanfoutépamal. Nou bon épi sé kalté plodari initil tala !
Atjelman, nenpot bagay pé fet. Ek fok pa sé Oksidantal-la vini chigné kont sa yo ka kriyé "téroriz". Fok pa yo plenn kò-yo ki sé mizilman-an ka riposté épi sa yo ni anba lanmen-yo, menmsi sé anni an vié ti janbet. Zafè tjou mel ki pwan plon !...