Ti-manmay ka joué boul red piéni anlè sab nwè-a
Jenn moun ka mawon powtab-yo pou gadé kò-yo zié-dan-zié an ti moman
Vié-kò lonjé tout londjè-yo anlè an rilax épi an rimontan an lanmen-yo
Épi, anpil moun asiz toupatou la ka gadé lorizon jon-zabriko a jis a tan an silans koré kò'y anlè plaj-la
Aprésa, soley-la ka anni chapé désann séré dèyè lanmè-a pou toulbon
Dayè, sa ki pli bel adan bigin-tala sé ki dèmen o swè
Si nou lé, nou pé viré vini asiz menm koté-a épi an sowbé-koko an lanmen-nou
Ek viré-koumansé viv bel espektak-tala ansanm-ansanm
Anplis, juiyé, sé bon lè pou nou sòti dèwò pou respiré ek pou pwofité di lavi-a an manniè natirel épi zié-nou
Pas vakans o péyi ka woulé an manniè naw-flaw lè i pa ni gwo lapli
Ek tout moun kontan anlè plaj-la abo yo ni pwoblem san manman
Pas yo sav jis bidim soley-la li menm ki koré an mitan siel-la pa koté midi
Ek ki ka voyé chalè alé-pou-viré anlè kabech-yo ka chapé désann séré dèyè lanmè-a tou lé swè
Kivédi, yo sav sé pa yo ki fè lavi-a
Kidonk, annou kité tout anmerdasion disparet ansanm épi soley-la
Pas dèmen o pipiri-chantan soley-la key touvé asé lafos pou viré monté nan siel
Pou kléré lavi-nou ek pou pwopté tout zafè-nou ba nou
Asirépapétet, nou key la épi'y lè i key viré desann séré dèyè lanmè-a dèmen oswè
Kivédi lè zétwal ek lalin key koumansé kléré ba-nou anlè lanmè-a
Pou ba soley-la an pal pandan lannuit-la.