Accueil

Tété doubout sé pou an tan

Tété doubout sé pou an tan

  Ni an tipawol (proverbe/proverb/proverbio) kréyol ka di'w kon sa ki "Tété doubout sé pou an tan". Kivédi lè zot wè an madanm jenn, i pé fè tout kalté ganm ek lentérésan i lé, i pé karé kon yo ka di an bon kréyol, men lè laj-la fè tan monté anlè tet-li ek kò'y koumansé mofwazé (se métamorphoser/to transform/metamorfosear), i blijé vini pli modes.

    Enben, sé menm bagay ka rivé nonm abo (bien que/although/aunque) nonm pa djè ni tété anlè lestonmak-yo ek mofwaz (métamorphose/transformation/metamorfosis) fizik la ka vini pli ta lakay-yo. A lè-tala, nou té ké pé tounen tipawol-la an lot manniè. Kontel (par exemple/for example/por ejemplo) kon sa : "Lolo doubout sé pou an tan". Bon, mé menm a lè-tala, nonm ni plis chans ki fanm pis laboratwè kréyé rimed kon Viagra, pou fè lolo ripwan larel-yo.
   Men ki ou lé ki ou pa lé, ki nonm ki fanm, ki Neg, ki Blan, ki gwotjap, ki madjendjen, kisiswa sa ou yé a, lè laj-la désidé pijé'w ayen pé pa koré'y (bloquer/to block/bloquear). Anni gadé sa ka rivé Jacques CHIRAC, ansien met-a-manyok la Fwans ! Misié té djok kité djok ka alé, bien doubout, épi an santé ki té pres an fè. CHIRAC té adan zafè politik-la kou-koupé ek tout moun sav ki adan sa, pa ni poz-tet (repos/rest/resto). Sé bwa pou nou alé oben ou pé ped pos-ou adan an batzié !
   Jòdi-jou, asiparé, Jacques CHIRAC pa ka rikonnet pèsonn ankò. Pa menm madanm-li ek moun lafanmi'y. I tounen an kalté zonbi toubannman ki ka atann Bazil vini chèché'y. Fout sa red lè ou té an mapipi épi ou ka vini an ayenditou ! Sa vré ki tout viékò, érez-di-bonnè, pa ka bout lavi-yo kon sa. Ni anlo ki ka gadé klèté lespri-yo ek an lasanté ki asé bon, men sa ki ka rivé CHIRAC la blijé ba nou an lison. An lison imilité : an jou, nou anlè ; an lot jou, nou anba.
    Tété kon lolo : doubout sé pou an tan...