Accueil

Ti fi foutbalè Liverpool la, Mo Salah, za ni bon boul anba plat pié'y

Ti fi foutbalè Liverpool la, Mo Salah, za ni bon boul anba plat pié'y

       Pres tout moun, menm sa ki pa djè enmen foutbol, konnet fidji Mo SALAH, an mapipi foutbalè éjipsien ki ka jwé adan gran étjip anglé a yo ka kriyé Liverpool la. Lanné-tala, étjip-tala mantjé grenyen chanpiona foutbol l'Anglitè pis i sòti déziem.

       Men pèsonn pa té konnet ti fi Mo SALAH a ! Enben, pou sa gloriyé sé jwè-yo a davwè chanpiona-a bout, Liverpool té òganizé an sérémonni anlè istad-li épi sé jwè'y la ek sé sipòtè'y la tou. Sé a lè-tala piblik-la anni wè an tou piti ki fi ki anni pwan boul-la ek i travèsé tout téren, ka chouté'y, jik lè i rivé douvan twa-bwa a ek i matjé an bi. I fè sa dé fwa kivédi i matjé 2 bi !

       Gadé vidéo-a ! Ti manzel-la za ni bon boul anba pla pié'y !...