Accueil
Aimé CESAIRE
Frantz FANON
Paulette NARDAL
René MENIL
Edouard GLISSANT
Suzanne CESAIRE
Jean BERNABE
Guy CABORT MASSON
Vincent PLACOLY
Derek WALCOTT
Price MARS
Jacques ROUMAIN
Guy TIROLIEN
Jacques-Stephen ALEXIS
Sonny RUPAIRE
Georges GRATIANT
Marie VIEUX-CHAUVET
Léon-Gontran DAMAS
Firmin ANTENOR
Edouard Jacques MAUNICK
Saint-John PERSE
Maximilien LAROCHE
Aude-Emmanuelle HOAREAU
Georges MAUVOIS
Marcel MANVILLE
Daniel HONORE
Alain ANSELIN
Jacques COURSIL

An chofè lotobis té ka limen zong-li mé...

An chofè lotobis té ka limen zong-li mé...
 
   ...kon dabitid, lo bann mal-milé a ki asou sé rézo sosial la di konmkwa sé batdous misié té ka batdous ek lamenm yo annni tonbé anlè zékal-do'y.
 Bagay pli mové ki Blan ek Aziatik envanté sé zafè vidéo-a. Epi nenpot ki téléfòn powtab nenpot ki moun pé pwan an foto atjelman ek vréyé'y alé asou whatsap oben Fesbouk épi mi anvwala, répitasion'w an banbanm ! Moun ka mété'w alafet, yo ka rakonté tout kalté kouyonnad anlè'w ek fok ou atann simenn oben, délè, mwa pasé pou yo sa bliyé'w titak. 
  Sé kon zafè chofè lotobis Fodfwans lan ki té ka swédizan batdous la toupannan i té asiz an plas chofè'y, ka atann sé pasajé-a monté. Tjek initil wè nonm-lan ka fè an jes san rété a wotè fouk-li ek initil-la dékrété lamenm ki sé batdous chofè-a té ka batdous. I pa pwan tan pou filmen chofè-a ek mété vidéo-a asou sé rézo sosial la. Ek tout moun kontan !
  Reskonsab Matinik-Transpò fè antjet-yo ek ki sa yo dékouvè ? Ki misié té ka limen zong-li ! Kifè yo pibliyé an dé-mo-matjé pou sa démanti vidéo-a men i té za two ta. Tout Matinik té za okouran ek tout latè menm pis épi Entènet ou pé touché tout popilasion ki ni. Ek kon ou pa bizwen palé adan vidéo, pa ni bariè langaj. Ou ka konpwann lamenm sa ka fet, sof ki, pli souvan ki rarman, kon adan vidéo-tala, sé zimaj-la pa oblijéman klè. Yo pa toutafetman klè. Kidonk sa fasil kité fasil ka alé fè moun kwè ki an moun ka limen zong-li, sé batdous i ka batdous.
  Sel bagay nou pé di sé initil-la ki ka difizé sé kalté vidéo-tala sé sa : zanset-zot pa janmen envanté ki fesbouk ki whatsap ki instagram ki tiktok ki an tjou-patat. Sel bagay yo té konnet sé té tanbou kidonk asiz anlè an tanbou, mété kò-zot nan bon mitan La-Savann épi koumansé bat tanbou. Kon sa moun ké pwoché ek zot ké pé ba yo nov-la :
   "An chofè lotobis té ka batdous ! Anmwééé !"

Connexion utilisateur

CAPTCHA
Cette question sert à vérifier si vous êtes un visiteur humain afin d'éviter les soumissions automatisées spam.