Rézilta 1é lawonn sé éleksion téritorial la atè Matnik sé an bidim kalot ba tout sé lis-la ki té ka goumen an pou sa trapé laviktwa. Epi 32% moun ki ay mété an bilten adan bwet-lin la, sé anchay fwa mwens ki an désanm 2015.
Sé diféran parti-a pé chaché tout kalté model leskiz (zafè kovid-la, lapli, lafet lé papa kisasayésa...), ni an bagay ki klè kité klè ka alé : laplipa Matinitjé pa ka kwè adan plodari sé politisien-an ankò. Ki yo vié politisien ki yo jenn, ki yo nonm ki yo fanm, ki yo pou rété bwaré épi la Fwans ki yo lé vansé asou chimen lotonomi oben lendépandans, pep-la pa pou konnet. I ka rifizé maché adan vèglaj, adan pawol flo kon koko sek, i pa lé yo ba'y dlo mouchach pou let pies tan ka vini.
4 lis rivé trapé sifizanman vwa pou ay nan 2è lawonn éleksion an : ta Letchimy ki sòti douvan ; ta Marie-Jeanne ki sòti déziem ; ta Nilor épi ta Conconne. Yo ni dwa fizionnen si yo lé mé épi yon sel lot lis. Pou alè, pèsonn poko sav ki moun kay fizionnen épi ki moun, men kisiswa sa ki fet, kisiswa lis-la ki ké genyen éleksion-an, i ké touvé kò'y douvan an sitiasion ki red toubannman menmsi la-CTM, anba Marie-Jeanne, fè anlo bagay ba péyi-a.