À l'occasion de la semaine consacrée à la langue créole, ma contribution à la défense et illustration de ses beautés...
BÉLYA POU KRÉYOL
Si’w sé boug ka wè
bagay pyès moun pa wè
lè dé zyé’w fèmen,
lè i ka fè gwo nwè…
èk si’w ka chanté
kon an zwézo kontan
lè solèy cho lévé
menm si pa ni lajan
ou bizwen pou manjé,
wou sé kalité nonm
lavi-a ka mandé :
an poèt san papyé !
Adan sosyété-a,
sé’w ki zanmi mwen.
Kantapou mwen,
menm si sé anba bwa
mwen oblijé mawon,
poézi èk tanbou :
an sèl é menm madras
pou nou défann
dòt vini maché anlè’y.
Pas mizik bèlè-a
èk pawòl kréyòl nou,
sé sa ki kilti nou.
Sa ki ta nou,
si nou kité yo krazé’y,
kisa nou ni ankò ?
Bonda nou déwò !...
Sèl bagay nou pé kité
ba yich nou,
sé sa nou yé,
alòs…rèspé !
Rèspé ba tanbou-a,
rèspé ba kilti nou,
rèspé ba kréyòl-la
rèspé !
Si latè-a té ka tounen-fol…
Si tan-an té ka pran’y alanvè
ek douvan té ka viré dèyè…
Si pé-bouch té ka mofwazé pawol…
Si nou té pé viv anfon lanmè…
Si léfan té ka pran lavol
lè pa té ni an zizing van…
Si tout sé poul-la té ni dan…
Si tousa nou révé té posib
pas lespri nonm sé lib i lib,
alos lakansiel té ké sèvi
mwen leskalié pou ay dòmi
adan an bel kabann niyaj
ek tout boug fou ké vini saj !
Patrick MATHELIÉ-GUINLE