Mi an bel pawol kréyol pou di ki an moun pres pwan fè : bonda'y bis ni.
Sé sa ki fini rivé Donald TRUMP, metamanyok lé Zéta-Zini, aprézavwè ki Chanm sé Riprézantan-an voté pou sa koumansé déchoukay-li. Abo afè-tala konplitjé kité konplitjé ba moun kon nou ki pa Méritjen, sa fok sav sé ki moun Parti Démokrat ki kont TRUMP (misié adan Parti Répiblitjen) ka akizé'y di té kontakté metamanyok an péyi l'Ewop yo ka kriyé l'Ikrèn pou sa trapé enfowmasion asou Joe BIDEN.
Sa ki Joe BIDEN ? Sé an gwo-gaz parti démokrat-la ki té ka goumen kont TRUMP adan dènié éleksion prézidansiel méritjen an ki Hilary CLINTON té pèdi a nan lanné 2016 la. Ni pliziè SMS ki ka pwouvé konmkwa TRUMP abizé di pouvwè'y ek sé pou sa sé Démokrat-la ka pòté mannev pou sa déchouké'y. Adan yonn di sé SMS-tala, TRUMP ka jik minasé l'Ikrèn sispann ba'y pal a nivo militè si sé responsab péyi-tala pa té ka rimet li sé endik-la i té ka chaché a pou fann fwa BIDEN. Ayen ki an chantaj kon sa pé, adan sistenm politik méritjen an, fè an prézidan kalpaté.
TRUMP pa ka rété bra balan douvan sé Démokrat-la. I rété i di kon sa ki konmision-an yo mété doubout la pou sa déchouké'y la sé an "tribinal-lapo-pistach" ek i entèdi anbasadè méritjen an koté Kominoté Ewopéyen an vini témwayé douvan'y.
Ki manniè ladjè-tala ké bout ? Es TRUMP ké rivé sové pos-li a ? Pèsonn poko sav pou alè mé bagay-la cho kité cho ka alé atè Wachingtonn...