NI DÉ PWA.
Nou ni an responsab laboratwa, an laboratwa fok kwè sé CEREGMIAM-MIAM ki dwett té non’y, afoss pwofésè tala brè, manjé manjé, manjé lajan, ay pwonmnen Ayiti, di i péyé biyé (ba moun ki pa jenmen alé la), vréyé lajan léta a opiyaj, détounen milion, signé fo papiyé, fè lalwa’y kon i lé, fè goj asou sa i lé, mété moun, an mové léta, kon limenm di, vréyé mel pou dékalé sa ki pa té dakò épi’y, é, misié ka twouvé an avoka, avoka ladéfans lan limenm, tala ki pou mandé fann-fwa’y la, ki ka vini ba’y lanmen pou rendé’y désann makokann li a (mât de Cocagne) é di pa blésé bobo’y, prangad mapianm li, tansion gad li, fè « Lapaisement ».
DÉ MIZI.
Yo mété an pwofésè linivèsité Renn-2 anba kontwol lajistiss, pass i té ké pwofité asou an jenn-fanm ki té étidiant li. Yo défann boug la fè lékol, yo opozé’y mété pié’y adan fakilté a, pou bagay ki fett ant 2015-2017, é sa pa djè trennen.
Man pa lé di, é fok pa pèsonn konprann, yo ni tò pijé grenn misié tala fò ba’y, men akwèdi, si nou gadé lafè CEREGMIAM-MIAM la, ki pou pwofésè tala, sa ay titak vitt, (2015-2017), konsidiré an koté balans lan ka sanm sa ki pa djè létal. Sé pou sa man ka konséyé avoka linivèsité Renn-2 a désann pran kontak épi gran Zaboka Linivèsité nou an, pou misié pé ba’y konsey li, é apwann li pòtalans é pouvwa « Lapaisement ». Pou i di’y kisa fok fè pou afè’y pran titak tan, titak londjè chenn, pou lajistiss pa ni dé pwa, dé mizi.
Térèz Léotin