Abo nonm ni bel bidim zouti kon bildozè, kanmiyon, traktè kisasayésa..., abo i kapab volé jik nan siel pli wo ki zibié ek désann nan fondok lanmè, lanati toujou pli fò ki'y.
Lo lavalas-la ki dédjeldésann tout sé jou-tala asou lakot Nò-Atlantik Matinik la ka montré nou'y an fwa ankò. Lawout luiloudé anni chapé désann anba mòn, mòn yo menm pres chapé-désann tou ek kay ki konstwi anlè yo minasé. Kantapou lavalas labou yo fè bon enpé déga tibwen toupatou.
Sa ka fè lanné épi lanné sé ékolojis matinitjé a ka di ek répété ki fok pa mété kay ek batiman nenpot koté men pa djè ni anlo moun ka kouté yo. Rézilta-a sé ki lè lanati désidé lévé mové, nou ka wè adan ki kalté model sitiasion moun ki pa ka respekté'y ka touvé kò-yo. Nou pa té dwet konstwi kay two kolé bò lariviè, nou pa té pou konstwi kay asou kan mòn, nou pa té pou konstwi kay nan djol lanmè. Nou pa té pou konstwi lawout nan fondok bwa non pli.
Nou tout la sav sa men nou sanfouté ek nou ka dérespekté lanati kifè lè i ka wouklé, enben sé nou tout la ki ka mété gwo pléré atè. Ki tan nou ké konpwann ?