Accueil
Aimé CESAIRE
Frantz FANON
Paulette NARDAL
René MENIL
Edouard GLISSANT
Suzanne CESAIRE
Jean BERNABE
Guy CABORT MASSON
Vincent PLACOLY
Derek WALCOTT
Price MARS
Jacques ROUMAIN
Guy TIROLIEN
Jacques-Stephen ALEXIS
Sonny RUPAIRE
Georges GRATIANT
Marie VIEUX-CHAUVET
Léon-Gontran DAMAS
Firmin ANTENOR
Edouard Jacques MAUNICK
Saint-John PERSE
Maximilien LAROCHE
Aude-Emmanuelle HOAREAU
Georges MAUVOIS
Marcel MANVILLE
Daniel HONORE
Alain ANSELIN
Jacques COURSIL

GWADLOUP : BILAN BAK KREYÒL 2007

{{ {Joslen Gabali ka voyé bilan a bak kréyòl 2007 dapré jan i travay
pou sa té maché ozuil. I ka fè'y ban nou davwa, rèktora pa
touvé tan pou fè ègzaminatè kontré pou bokanté asi sa avan
lèkòl lagé.

Kifè osi, Joslen ka mandé tout ègzaminatè ki fè zélèv pasé
bak kréyòl ki pou palé ki pou maké, pòté si papyé tou sa yo
ni pou di, pou lè sèktanm rivé nou pé sanblé pou fè bilan
osèryé.} }}

Lanné an lanné, bak kréyòl ka laji ki an kantité ki an kalité. An 2006, té ni {{380}} kandida.

{{1.}} Lanné_lasa ni {{548}} :
- Kréyòl oblijé, maké : 73 (épi 19 zélèv ki pwan-y an Fwans).
- Kréyòl oblijé, palé : 41.
- Kréyòl palé si-w vlé : 418.
_ An lisé pofésyonèl : 16.

{{2.}} Kalité. Nou ka vwè bak kréyòl pwan grad, i vin LV2, LV3. Sa rété anba fèy, men ni lontan sa la, é {{ponmoun pa jen di sa}}. Sa bon fè nou konnèt dèvwa an nou. Men, sa bon osi nou konnèt dwa an nou. Sa i bon pou zwa, bon pou kanna osi.

Ni 3 papyé ofisyèl si sa : « B.O »

a) B.O liméwo 23 a 7 jwen 2001.
b) B.O liméwo 1 a 5 janvyé 2006.
c) B.O liméwo 7 a 16 févriyé 2006.

Fò rèktora fè toutmoun (Sèwvis rèktora, Povizè é Prensipal, Sendika, Fanmi, é tout zélèv) konnèt sa, aksèpté sa, é « apliké » sa.

{{3.}} Dékatman. Tout biten byen pasé : ègzaminatè é zélèv byen woulé. Men ni détwa gwobab pou ranjé pou lanné i ka vin.

a) Tout travay Konséyé Pédagojik Lisé pwan tan a-y byen paré épi « Division des examens », (lis a ègzaminatè, lidé bloké on simenn pou fè pasé kréyòl), fò pa démonté sa pa dèyè.

b) Pa sèvi kréyòl an dènyé. Sé lè kannari plen (Fwansé, Mat, Anglé, Pangnòl …) kouvèti ka trapé, alòs ? Fò tout mèt kréyòl i fòwmé (èstaj) pou sa, konvoké pou fè kandida pasé.

c) Fò pa sa i konvoké, ni 18 kandida alamonté a fè pasé adan on jouné.
d) Fò rèktora konsanti lè on ègzaminatè, kay fè pasé kandida lajòl Bémaho, i lontan pli èkspozé ki lézòt koté.

e) Fò pa kandida kréyòl ka pasé 2 biten (Anglé, Kréyòl) 2 koté diféran (Pwentnwa, Bastè) {{menm jou-la}}.

f) Woulo bravo pou ègzaminatè ki fè sakrifis, fè pasé 15 kandida (éplis ankò) loulongalé pannan 3 jou. Men fò pa sa rivé yo ankò.

{{4.}} Sa pou povwa ankò :

a) Tout zélèv ki enskri pou pasé ki kréyòl palé (« oral ») ki kréyòl maké (« écrit »), konvoké {{yotout}}. Sa pa jis détwa rété atè.

b) Kon sa té ja désidé o dépaw, bloké on simenn pou fè pasé Bak Kréyòl. Chak lanné ka ni plis kandida.

c) Tout mèt i fòwmé pousa, dwètèt konvoké.
d) Lékòl ki voyé kandida (Jawdendésè, Trionsèl, dòt ankò) dwèt anségné « LCR » akaz a yo.

{ {{Joslen GABALI}} }

Connexion utilisateur

CAPTCHA
Cette question sert à vérifier si vous êtes un visiteur humain afin d'éviter les soumissions automatisées spam.

Pages