Tout moun wè foto sé bidim lafimen-an ki té ka tijé adan djol volkan La-Soufriyè atè Sen-Vensan ek tout moun rimatjé tou ki yonn té toupòtré kat...Matinik.
Lamenm, anchay moun ki ka kwè adan bagay Djab ek tjenbwa koumansé ka di kon sa ki sé an sin ki la. Ki sé an sin pou vèti nou konmkwa volkan Matinik la, kivédi lamontay Pèlé, ké déblozé tou adan yonndé tan. Es fok nou kwè sé kalté plodari-tala ? Si nou ka kwè adan'y, fok nou admet ki volkan La-Soufriyè konnet volkan-nou an pou i érisi mété déwò an kat péyi Matinik ki sitelman ekzak. Oben sé tjek Djab vréman (anmwens ki sé Bondié) ki lé ba nou tjek vètisman. Mé poutji sa ? Ki sa moun Sen-Piè fè ? Ki kalté movezté yo konmet ? Epi, es yo pa za péyé sifizanman épi 30.000 moun ki té ped lavi-yo a an 1902 ?
Sa vré ki bidim lafimen-tala ka sanm Matinik toubannman men lè ou ka fè tan gadé siel-la nenpot jou ek nenpot koté, sifi ou koré zié'w anlè sé niyaj-la, ou pé wè tout kalté model bagay : an léfan, an loto, an timanmay, an madanm oben an...péyi. Sé bagay ka fet pli souvan ki rarman ek pa ni pies kalté zafè tjenbwa ki séré dèyè sa.