Mardi gra
Odiji sòti an dégra
Pas i té lé fè an bon mardi-gra.
Ni moun ki kriyé’y engra
Mé i pa an boug ni apoda, ni gaga
I pasé an bel alpaga
Bien wouj, ek i pété’y monté Lavolga
Jwenn épi konpèy Lisien Ega.
Misié té ka otjipé di an poul jenga
I kité’y pou préparé tibren malanga
Pou bien manjé sa épi an mòso vo-gra
I chonjé i ké pran nouga
Kom désè, épi apré i ké fimen an bel siga
Sé konsa misié ka fè yoga
Avan i pati désann vidé mardi-gra.
Mardi 25.02.20
Mèkrèdi lésann
Mèkrèdi lésann
Kouté sa ki rivé Léyann
An boug ka kité lapot-li a dimibann
Pou dapré’y i sa rivé fè flann
Epi madanm tann.
Misié toujou ka konprann
Epi tout vié rad-kabann
I ké toujou sa fè flann
Pas i ka jwé stilbann.
Sa vré, Lèyann enmen wè machann
Kisiswa pistach, lédjim, pwason ki ja mété’y a lanmann
Pou’y dépi sé jennfanm
I ka kwè dan an léjann
Mèkrédi lésann.
Sé la ou pé jwenn an kabres tann
Kom i poko jwenn an bon viann
I pé ké raté mékrèdi lésann
Ba pèsonn, i ni an danmjann
Plen lajan pou nos-la ka atann
Sé pou sa i ka zayé bò tou machann
Mèkrédi Lésann
Kabé, 26.02.2020