Sénatorial ka vini cho ek sé plas la chè. Ja ni pasé 7 kandida déklaré, é ni dé plas sénatè ek. Simenn pasé tout komin Matinik té sanblé pou nonmen sa yo kriyé lé «gran élektè». Sé yo ki ni dwa voté pou éleksion sénatè.
Mé kiles yo ké mété?
Ni sa ka estimé yo bien travay, kidonk yo ni dwa déviré.
Ni dot ka estimé sé tour-yo é yo pa ni lentansion kité lokazion pasé ba pèsonn. Lè ou ka tann sa, ou ka mandé es yo pou Matinik, oben pou tour-yo ? Kidonk pou poch-yo pa ni tou.
Antouléka Niko la, é i bien la jik an 2012. A finaldikont, i désidé sé an 2014 ké ni éleksion nouvo asanblé Matinik-la. Klod, li i pa kontan pies. I di sa sé ped tan, é péyi ja ni asé chomaj konsa. Klod ja ped an premié konba, i paré goumen jik o dènié san pou gadé pos sénatè’y-la. Misié ja ped sadin, i pa anvi ped karang tou. Sinon ki sa i ké manjé?
I doktè mé i pa ka swen moun ankò, I pa anvi fè pies model grev-lafen.
Sé jou-tala sé tan legzamen kisiswa, BEPC, BAC, BTS. Mé ni anlo ki ja ni tet-yo an vakans. Kontel Ezébio ki ké alé pou twaziem fwa o BAC. Manman’y ki péyé kour bay di’y konsa :
–Ou sav, tousa lajan man ja dépansé baw la, man té ké ja achté an bato!
Ezébio réponn:
– Tanbou di sò ! é sé péchè man ni lentansion fè !
Tout tet manman-an vini blan alos ki i poko ni karantan.
Fout sa ka vini red an péyi-a. Niko di :
– Si man pasé an 2012 asiré Marny ké déwò !
Es nou pé kwè sa?
Jid
«Mantè pa ni mémwa», é «manti fè dé labé goumen asou lotel»