Accueil
Aimé CESAIRE
Frantz FANON
Paulette NARDAL
René MENIL
Edouard GLISSANT
Suzanne CESAIRE
Jean BERNABE
Guy CABORT MASSON
Vincent PLACOLY
Derek WALCOTT
Price MARS
Jacques ROUMAIN
Guy TIROLIEN
Jacques-Stephen ALEXIS
Sonny RUPAIRE
Georges GRATIANT
Marie VIEUX-CHAUVET
Léon-Gontran DAMAS
Firmin ANTENOR
Edouard Jacques MAUNICK
Saint-John PERSE
Maximilien LAROCHE
Aude-Emmanuelle HOAREAU
Georges MAUVOIS
Marcel MANVILLE
Daniel HONORE
Alain ANSELIN
Jacques COURSIL
Kréyolad 905

Sa nou lé pou 2022

Jid
Sa nou lé pou 2022

Lanné 2022-a koumansé, an patjé moun lé bliyé lanné pasé pas tout moun dakò pou di i pa té djè bel pies toubannman. Anlo moun pa menm pran lapenn kouté sé dives prézidan-an swété la bon lanné.

An konpè Adjilbè mandé’y es i konnet non sé prézidan-an?

Misié réponn:

— An sel prézidan man konnet sé ta Lafrans-lan, Mano Makawon.

Konpè-a di’y:

— Sa pa prézidan Lafrans mé sé prézidan krey komin kisiswa linò, lisid oben an mitan Matinik.

Misié té boudé kon an doub sis, i di’y:

— Ou pa menm sav Matinik ni 5 prézidan!

Adjilbé réponn tou estébékwé:

— Abon, ki non yo?

Eben daboudabò, la CTM (Collectivité de Martinique) i ni dé.

Èsel ki prézidan Konsey Ekzékitif di tou fò:

— Nou pa ni dot chwa ki fè pep!

Épi ni Èles prézidan Lasanblé ki réponn:

— Man ka swété lanné 2022-a nou viré pran konfians épi lespwa!

Nou lé kwè sé pa an lespwa mal papay.

Épi fok pa bliyé prézidan krey komin linò prézidan BNA (pa Bèna mé Béèna) nou pa tann sa i lé pou lanné-tala.

Adan kréy komin lisid-la ni Dédé Ale ki prézidan tou, nou poko tann nonpli sa i ka swété apaw di bésé fakti dlo-a.

Adan krey komin an mitan Matinik yo kriyé la CACEM, prézidan-an sé Elsé. Nou tann misié vréyé bon labou avan dènié jou lanné-a, pas an group moun ki di yo sé «Pèp Matinik» eben yo désidé blotjé lantré la CACEM pa yo kont zafè gouvelman ka oblijé yo pran pitji.

Epi fok pa bliyé Istanislas, misié kasé zel anlo moun sirtou restoran lè i désidé ni kouvèdifé pou le 31 désanm. An plis di sa misié mobilizé konmen jendam pou té simen kontravansion pou sa ki té anlè lawout apré 8tè’d swè.

Lè Adjilbè tann tousa, i pété’y désann gran marché bò Jéoni an madanm Sent-Mari ka vann boutjé zerbaj pou kliyan’y. Yo tout vini chaché doukwé pou ben-démaré yo. Misié genyen ta’y tou, pou i koumansé lanné-a épi anlot kanman. I chonjé pawol Monsenyè David té ki di: «Lanné tala sa nou ka fè ? E si nou té ka maré ren nou!»

Jid

Bel poveb kréyol 644

«Sèpan ka chanjé lapo, mé sé toujou sèpan».

Portrait d'Emmanuel Macron par Bruno Barral. This file is licensed under the Creative Commons

Connexion utilisateur

CAPTCHA
Cette question sert à vérifier si vous êtes un visiteur humain afin d'éviter les soumissions automatisées spam.