Blan sisi, Blan sila ! Ni twop Blan Matinik, yo ka anvayi nou, yo ka volè tè-nou, yo ka baré plaj-nou, yo ka pwan travay yich-nou kisasayésa...Lè ou fè tan kouté Matinitjé palé, ou sé di yo tout la endépandantis kou-koupé. Ayen ki Malcom X oben Thomas Sankara ki ni ant Sentàn ek Gran-Riviè !
Mé dépi sé pou foutbol, pa ni jouré la Fwans ankò pies toubannman ! Tout moun-lan ka sipòté Lyon oben PSG ek tout moun-lan ka vréyé kò'y monté anlè chak lè sé étjip-tala genyen an match. Yo konnet sé jwè-a pasé fanmi-yo menm délè ek yo kapab di'w ki koté Entel ka rété, épi ki madanm i mayé oben ki mak loto i ka woulé. Es sé davwè ni Neg adan sé étjip fwansé a ? Pétet men sé Neg-tala sé pa Antiyé ki la. Neymar Brézilien, M'Bappé manman'y aljérièn ek papa'y kongolè ek sé lézot-la sòti ki Brézil ki l'Afrik.
Men, asipozé PSG oben OM té ké ni 11 jwè Neg adan yo, es sa ka jistifié ki Matinitjé, toupandan yo ka di yo kont Blan, ka aplodi sé étjip-tala san rété ? Labitid toujou asiz ant dé chez ! Labitid toujou lé ni bè-a, lajan bè-a ek bonda fermiez-la an menm tan ! Labitid fè jé makak toulong !
Jòdi-a, PSG genyen match-li. I ba étjip alman 3 bi : pa ni yonn adan yo ki an jwè Neg matjé mé sa pa anpéché Matinitjé voyé bel vokal pou soutienn "mon équipe". Ay fè an lous pété an nen-zot !
Commentaires