Kidonk létjip foutbol la Fwans lan genyen Mondial-la ki té ka woulé nan péyi la Risi a. Kon tout moun asou latè rimatjé'y, asou sé 11 jwè-a té ni délè 7 jwè ki sé désandan Neg l'Afrik. Sé yo, sé jwè-tala ki bat san-manman, ki goumen red-édri, pou sa vréyé la Fwans an final ek pou ba la Kroasi an dal
Men lè lé "Blé" désann asou lé Chan Zélizé pou gloriyé viktwè-yo ek lè apré, met-a-manyok la Fwans, Emmanuel MACRON, risivwè yo nan palé'y kivédi l'Elizé, ki sa nou wè asou foto ofisiel la ki fet asou péwon palé a , Yo mété tout sé jwè blan an douvan ek sé jwè neg la dèyè !!! Anni gadé foto-a ki ka ilistré artik-tala, zot ké wè sé pa pawol initil nou ka rakonté.
Kivédi yo ralé sé jwè neg la dèyè !!!
Sé pa bagay ki pou étonnen nou pies toubannma pis sa za fet an tann dézienm ladjè toutwonlatè a (1939-45). Larmé fwansé té ka vréyé tirayè sénégalé ek mawoken goumen primié-douvan kont sé Alman-an pannan tout ladjè-a, menn lè laviktwè paret, sé jénéral larmé fwansé a désidé vréyé tout sé solda neg ek arab la nan li-sid la Fwans !!! Yo prétann ki sé davwè sé solda-tala pa té ka sipòté frédi. Baboul ki la pis pannan ladjè-a té ka woulé pa té ni pies zafè livè oben lété ki té ka konté. Sé ay goumenn ki té ni, pa plis !
Finaldkont-lan nou pé tiré di foto l'Elizé tala sé ki sé foutbalè nwè lé "Blé"-a ekzaktiman kon sé tirayè sénégalé ek arab la. Sa tris pou di, men annou pa vèglé kò-nou asou konpowtasion sé gwo-tjap fwansé a ki ka mennen péyi-a...